Prej disa vjetësh ne jemi kujdesur për pacientët tanë, ku fokusi ka qenë gjithmonë në ofrimin e shërbimeve stomatologjike të një cilësie të lartë dhe me kosto konkuruese, me qëllimin që pacientët të ndihen të respektuar dhe të vlerësuar.
Në thelb të punës sonë, krahas rikuperimit dentar, qëndron menaxhimi i shkaqeve për parandalimin e pasojave, në mënyrë që të sigurohet një shëndet i mirë oral.
Pjesë e punës sonë është edhe edukimi i pacientëve. Njohuritë bazë që ata marrin, sjell rritjen e aftësive të tyre për t'u kujdesur për shëndetin e tyre dentar si pjesë e mirëqenies së përgjithshme.
Duke ofruar një gamë të gjerë të trajtimeve dentare, e kombinuar me shërbimet laboratorike, në klinikën Kristian Dental Center do të trajtohen të gjitha problemet dentare në mënyrë efektive dhe në kohën më të shkurtër të mundshme duke respektuar standardet dhe me kosto konkuruese.
Ne ofrojmë trajtimet më efektive, më të sigurta për të përmirësuar buzëqeshjen tuaj. Zbardhja profesionale e dhëmbëve shpesh mund t'ju rikthejë besimin dhe pa pasur nevojë për faset ose kurora.
Kirurgjia Orale dhe Maksilofaciale ofron trajtim kirurgjik gjithëpërfshirës të të gjitha problemeve, duke përfshirë heqjen e dhëmbëve dhe trajtimin e infeksioneve të gojës, nofullës dhe strukturave përkatëse.